Як сабраўся карагод,
Заспявалі хто як мог.
Потым усе пасябравалі,
Дружна хорам заспявалі.

Пеўнік голасна завёў:
“Ку-ка, ку-ка, ку-ка-рэку!”
Курачкі сако-сакочуць,
Знесці яйкі яны хочуць.

Качка: “гэ-гэ-гэ-гэ-гэ,
Дайце песню спець і мне!”

І другія паглядзелі,
Дружна разам усе запелі:
“Мы не горшыя за іх,
Хоць нас толькі ўтраіх!”

І каза тут: “бе-бе-бе!”
І кабанчык: “рох-рох-рох!”

А кароўка: “му-му-му!
Дайце сена на зіму!
Му-му-му, му-му-му!
Дайце ж сена на зіму!”

Коцік глянуў на сяброў,
Сваю песеньку завёў:
“Мяў-мяў-мяў, мяў-мяў-мяў!
Я не горш за вас спяваў!”

Мікола КОТАЎ