ЖЫРАФА

Зноў жырафа на абцасах
Носіць поўны кубак з квасам,
І ў жырафы ўсюды плямы,
Хоць бярэ фартух у мамы.

 

 

 

 

МУЛЬЦІК

У акно глядзіць Дануся:
“Што ж там дзеецца на вулцы?”
А за ёю сочыць Буся,
Думае, што гэта мульцік.

 

 

 

 

 

КАЗЛЯНЯТКА

Мама кажа казлянятку:
– Стой спакойненька ля градкі.

Казлянятка ў дрэва: “Бу-у-ух!”
І глядзіць на маму зух:

– Я не збочыў бы з дарожкі,
Ды хацеў пачысціць рожкі.

 

 

 

 

 

 

МОДНІК ГРАК

З раніцы фарсісты грак
Сабе шые новы фрак.
– Вецер, ка-а-ар!
Не замінай!
Сёння ў нас птушыны грай*.

*грай – птушыны гоман

 

 

 

 

 

 

БУСЯ Ў ПАЛЁЦЕ

Гэта ж трэба!
Гэта ж трэба!
Над абсягам беларускім
Крыламі аздобіў неба
І адтуль шле дзецям буські.