Вітаю, паважаная рэдакцыя. Прапаную вашай увазе мой пераклад дзіцячага верша аўтара Ilo Orleans пад назвай “Animal Orchestra”. Гэты верш быў упершыню апублікаваны яшчэ ў 1958 годзе і ў свой час быў апублікаваны ў дзіцячай серыі “A Little Golden Books”. Тут можна бачыць афармленне гэтай публікацыі (http://serv.sharedbook.com/sbInternal/kids/pdfs/978-0-375-85501-6/pdfUrl-static-bookContent_low_1.pdf). Наколькі я ведаю, у свеце не існуе перакладу гэтага твору ні на рускай, ні на беларускай мовах, акрамя гэтага. Мой тэкст я выкладвала ў сваім блозе, але болей ён нідзе не публікаваўся.

Пераклад

У вёсцы звярынай
Канцэрт мусяць даць.
І кожны музыка
Імкнецца сыграць.

Кожны з’явіўся,
Каб бачыць і чуць.
Зала паўнюткая –
Не прадыхнуць.

Музыкі на сцэну
Трымаюць свой шлях.
Свае інструменты
Нясуць у руках.

Прыйшоў дырыжор,
І палачка з ім.
Паважны наш Гіпа,
Вядомы ўсім.

Адставіў нагу
І ўзмахнуў ён рукой.
Ён крыкнуў музыкам:
“Сыграйма са мной!”

Цюлені раўнулі,
Узнялі плаўнікі.
Па скрыпках па іх
Загулялі смычкі.

Жырафы ў плямах
Громка трымчэлі.
Дзіўныя хлопцы! –
На віяланчэлях.

Леў у трубу падзьмуе,
Насарог флейтай хвалюе,
Леапард струны рве,
Тыгр гудзе, не перастае.

Шморгае малпа
Медны трамбон,
Лама трымае
Свой саксафон.

Труба паддаецца
Толькі слану.
Вяблюд зачапіў
Мандаліны струну.

Літаўрамі мішка
Грымчыць
Ліса на гітары
Бранчыць.

Як барабаніць,
Воўк ля валынкі.
Кожнага вабяць
Такія хвілінкі.

Яны грукацелі,
Раўлі і гудзелі.
Ну што за цудоўны канцэрт
Мы глядзелі!

Жывёлы-хлапцы,
І жывёлы дзяўчаты
Лікуюць, шумяць
Відавочна ўсе рады.

Пляскаюць у лапы,
Хвастамі матляюць,
Артыстаў на сцэне
Ад сэрца вітаюць.

Шматкроць дырыжор
Да падлогі схіліўся,
Кожны музыка
Сабой ганарыўся.

І Гіпа шчаслівы
Пайшоў да двара,
Бо кожны ўсклікнуў
Гіп-Гіпа-ура!