Янка КУПАЛА

Паравозік

Свіснуў раз, свіснуў два
шустры паравозік.
І павёз, і павёз
за возікам возік.
___________

Якуб КОЛАС

На лузе

Добра ў лузе ў час палудны!
Лёгка там дыхнуць!
Хмаркі белыя марудна
За лясы плывуць.
______________

Ганна ІВАНОВА

Дожджык

Дожджык, дожджык! Лі.
Аж па ўсёй зямлі.
Травы ў рост пусці.
Дай падрасці жыту, гароху
і хлопчыку Цімоху.
______________

Міхась ПАЗНЯКОЎ

Проса

Свежай кашай з проса
Нас частуе Прося.
Каша надта смачная,
Просі ўсе мы ўдзячныя.