Сонечным летнім днём Буся і Рысачка гулялі на лузе ў хованкі.

Рысачка хутка знайшла Бусю сярод высокай травы. А вось каб адшукаць Рысачку, якая лёгка хавалася за сцяблінкамі, Бусю трэба было пастарацца! Раптам на адной з кветак ён убачыў матылька.

“Знайшоў! Знайшоў!” – весела крыкнуў Буся. І сапраўды, на крылцах матылька сядзела і ўсміхалася Рысачка.

– Ты заўважыў, як многа рысачак на лузе? На сцяжынцы, траве, кветках, на прыгожым убранні насякомых?

– Давай паспрабуем па клетачках намаляваць тых, каго можна сустрэць на лузе летам!

А ці ведаеш ты, дружа, каго можна спаткаць на летнім лузе і якія расліны пабачыць? Каб адказаць на гэтае пытанне, злучы рысачкі па клетачках – і даведаешся.

Чакаем тваіх малюнкаў!

Працяг у наступным нумары

Ірына БУТОРЫНА