Сябры! На пачатку красавіка рэдакцыя часопіса “Вясёлка” наведала Сеннескую школу-інтэрнат. Мы перадалі выхаванцам установы ўсе вашы вясёлкавыя пажаданні і падарункі, якія вы прынеслі на міжнародны фестываль-конкурс “Калядная Зорка”. Пастараліся пакінуць ім цудоўны настрой і пашырыць спіс добрых спраў таварыства “Сяброў Вясёлкі” на карысць усіх дзяцей Беларусі.

Сенненцы сустрэлі нашу акцыю добрымі ўсмешкамі, гарэзлівым настроем і душэўнай цеплынёй. Правялі экскурсію па школе, паказалі пакоі, дзе жывуць, швачныя і сталярныя майстэрні, дзе працуюць і зладзілі святочную канцэртную праграму.

Будзем рады вашым прапановам, ідэям, праектам дабрачынных спраў! Толькі разам мы зможам больш!

Вася ВЯСЁЛКІН

[gllery=148]