Часопісы “Буся” і “Вясёлка” прымалі гасцей. У рэдакцыю завітала пераможца конкурсу малюнкаў “Зялёная жабка” часопіса “Буся” за 2015 г. Міхаліна Запартыка. І не адна, а разам з сям’ёй.

Міхаліне Запартыка 5 гадоў. Любіць маляваць. Яна сустрэлася з галоўным рэдактарам часопісаў Уладзімірам Ліпскім, пазнаёмілася з музеем “Вясёлкі”, атрымала дыплом, цацкі ― Зялёную Жабку і Грошыка. Спадзяемся, для Міхаліны гэта сустрэча запомніцца надоўга.

Другому пераможцу нашага конкурсу “Зялёная жабка”, Арсену Грышанку, ― 7 гадоў. Ён ходзіць у 1 клас Cветлагорскай СШ. Яму рэдакцыя адправіла цацку ― Зялёную Жабку, свае найлепшыя пажаданні і дыплом.

Тэкст Дар’і Лёсавай, фота Дзмітрыя Сапсая