Ніл Гілевіч

Мая мама добрая такая,
Мая мама проста залатая!
А ўжо так мяне матулька любіць!
Кожны раз і песціць, і галубіць.

Авяр’ян Дзеружынскі

Ціха абуджаюцца росныя палі,
Веснавая раніца крочыць па зямлі…
Промнямі агністымі саграе зямлю,
Зерні залацістыя кідае ў раллю.

Ніна Галіноўская

Разбудзілі мяне рана
Галасістыя шпакі.
Я стаю, усхваляваны:
– Малайчыны, спевакі!

Аляксей Пысін

Карусель –
На дваццаць пар,
З намі кружыцца ўвесь парк.
Мчацца дрэвы і кусты,
Едуць кладкі і масты,
Мы разгон такі ўзялі –
Не відаць ажно зямлі.