Ходзіць ноч нячутна
За тваім акном.
Спі, мая дачушка,
Спі салодкім сном.

Птушкі ўсе замоўклі
І палеглі спаць.
Будуць заўтра зноўку
Песні напяваць.

Коцік не мурлыча –
Бач, заснуў і ён,
А гадзіннік ліча
Шмат шчаслівых дзён.

Касманаўт у небе
Правярае ціш.
Спаць, казаў ён, трэба.
Дык чаму не спіш?

Ходзіць ноч нячутна
За тваім акном.
Спі, мая дачушка,
Спі салодкім сном.

Іван СТАДОЛЬНІК