Гэта мая мама

Музыка Таццяны Молчан

Словы Міхаіла Богдана

На дрэвах восень залаціцца,
І на дварэ ўсё халадней,
Але святло ў маёй святліцы
Ад родных маміных вачэй.

ПРЫПЕЎ:

Хто за ўсіх прыгажэй,
Хто пяшчотней, дабрэй,
Здагадацца няцяжка Вам:
Гэта мама мая, гэта мама твая,
Гэта мамы ўсіх нашых мам.

Матуля песні нам спявала
Аб дзіўных казачных краях
Каб мы спакойна засыналі
Як у калысцы на руках.

ПРЫПЕЎ.

Заўсёды мама з сонцам ранкам,
Пускае ў вокны свет зары
Аберагае ад напасці,
Ад злой нагоды і бяды.