Эдуардас Селялёніс

Сям’я

Нёман з крыніц

Беларусі спяшае,

З ніў беларускіх

Віецца Вілля.

Далі зялёныя

Ім адчыняе

Братняй Літвы

Маладая зямля.

Разам ішлі мы

Змагацца за волю,

Разам мы край

Адбудоўвалі свой.

Дружна жывём мы –

Агульная доля,

Неба агульнае

Над галавой.

Сонца прыходзіць

Да нас з Беларусі,

З Балтыкі вецер

Ляціць да яе.

Нашых народаў сям’ёй

Ганаруся,

Ёй прысвячаю я

Песні свае.

Пераклаў Кастусь Цвірка.