23 лютага – Дзень абаронцаў Айчыны і Узброеных сіл Рэспублікі Беларусь.

Не забудзьце павіншаваць са святам сваіх дзядуляў і татаў, а магчыма, і старэйшых братоў, калі яны служылі ў войску. Абараняць Радзіму – справа мужчынская. Днём і ноччу, на зямлі і ў небе нясуць сваю пільную варту мотастралкі і артылерысты, зенітчыкі і ракетчыкі, пагранічнікі і дэсантнікі, сувязісты і лётчыкі. Яны авалодваюць ваенным майстэрствам, каб над намі заўсёды было мірнае неба.

Пройдуць гады – і на гэту варту заступіце вы, сённяшнія хлапчукі, чытачы “Каласавічка”.