Стракоча сарока
На ўрок і з урока.
(званок)

Што гэта такое:
Сеў адзін, а ўсталі двое?
(Чалавек і цень)

Аднаго ўзросту,
Ды рознага росту.
(пальцы)

Хто б сказаць мне мог,
Што ідзе без ног?
(дождж)

Рота не мае,
А ўсё паглынае.
(агонь)

Возьмеш болей ці меней –
Не ўтрымаеш у жмені.
(вада)

Што за вочы –
Відаць іх толькі ўночы?
(зоркі)

У якой малечы
Калені вышэйшыя за плечы?
(камар, конік)

Зялёны мех,
А ў ім – чырвоны снег.
(кавун)

Што за істота:
Шапка без галавы,
А нага без бота?
(грыб)

Анатоль КЛЫШКА