***

Хто такая – уцякае
І сляды свае змятае?
Хвост – як рудая каса,
Гэта, пэўна… кілбаса?

(Не, ліса!)

***

Тоўсты ён, фырчыць, булькоча,
Спіна над вадой бліскоча.
Разяўляе моцна рот,
А завецца ён… кампот?

(Бегемот!)

***

На сабе нясе ён горы,
Не адчуе смагі, зморы,
Праз пяскі яго маршрут
Праўда, гэта – парашут?

(Не, вярблюд!)

***

Ногі тоўстыя – нямала!
Вуха – быццам бы махала,
Сам ён важыць пару тон.
Можа, гэта царскі трон?

(Гэта слон!)

***

Каля дрэва – велікан,
Шыя доўгая, бы кран,
Ці як слуп для тэлеграфа.
Правільна, што гэта – шафа

(Не, жырафа!)

Серж Мінскевіч