Пісьменніку Іосіфу Рогалю – 75 гадоў. Віншуем!

Больш паўсвету адкрочыць я змог,
Усё шукаў найшчаслівай дарогі.
Ды няма нам мілей тых дарог,
Дзе хадзілі дзіцячыя ногі.

Як наведаю зноў родны кут –
На сцяжынку ступлю, і здаецца:
На маё хваляванне тут
Мне маленства вось-вось адгукнецца.

Пачастуй мяне, любы мой клён,
Халадком, што даеш роднай хаце.
Знаў бы ты, як змацоўвае ён
Душу ў цяжкай бядзе або страце.

Так хацеў бы, каб вечна жыло,
Як выток, як магутная сіла,
Гэта мілае сэрцу сяло,
Што да першых дарог узрасціла.

Калі ў ім нарадзіўся і ты,
Не крыўдуй, што яно – не сталіца.
I па свеце ў храмах святых
Не забудзь за яго памаліцца.

Іосіф РОГАЛЬ