Конкурс “Чароўны куфэрак”

Вясёлае свята прыйшло зноў да нас.
Святкуем мы сёння Калядкі.
Гатуем у печы мы шмат смачных страў:
Варэнікі, вушкі, аладкі.

Увечары чуецца радасны звон:
Ідуць калядоўшчыкі гуртам.
У іх – гарманіст і каза з кажухом,
І гоман плыве над завулкам.

І вечара шчодрага зычаць усім,
І песнямі свет праслаўляюць.
Віншуюць са святам, шчыруюць яны,
Каляднаю зоркай вітаюць.

Аліна КАЗЛОЎСКАЯ,
Воранаўскі раён, Забалацкія яслі-сад-сярэдняя школа.