НАСТАЎНІК вучыць нас і ў школе,
і па-за школай вучыць нас,
каб мы любілі ферму, поле,
каб шанавалі свой калгас.

АГРАНОМА, як вядома,
не застаць вясною дома.
Аглядае поле ён,
каб дало багаты плён.

ШАФЁР, хоць страчан рэйсам лік,
машыну ўпэўнена вядзе.
Нагружан з верхам грузавік,
ані зярнятка не ўпадзе.

БУЛЬБАВОД, бульбавод –
у турботах круглы год.
А інакш, скажы, адкуль бы
мелі б мы ўдосталь бульбы?

Вырас дом, прыгожы, новы.
Ад зары – у вокнах жар.
Хто рабіў для вокнаў рамы,
дзверы хто рабіў? СТАЛЯР.

Артур ВОЛЬСКІ
1986 г.