Конкурс “Чароўны куфэрак”

Вялікі, прыгожы ружовы мядзведзь
Не хоча адзін у пакоі сядзець.
Ён любіць са мною і з братам гуляць,
Паверце, з ім нельга, сябры, сумаваць!

Мядзведзіка любяць і мама, і тата,
Ён сябар для тых, хто прыходзіць у хату.
Ружовую цацку бабуля купіла,
І ў  дзень нараджэння яе падарыла.

Калі з братам Дзімкам кладзёмся мы спаць,
Ружовы мядзведзь пачынае спяваць.
Ён ціха спявае для нас калыханку,
А раніцай кажа : “Ўсім добрага ранку!”

Аляксандра Валасюк,
гімназія г. Ганцавічы