Я – беларус, я нарадзiўся
На гэтай казачнай зямлi,
Дзе мiж лясоў i пушчаў дзiкiх
Адвеку прашчуры жылi.

Я – беларус, я ганаруся,
Што маю гэтае iмя:
Аб добрай славе Беларусi
У свеце знаюць нездарма!

Я – беларус, i я шчаслiвы,
Што мацi мову мне дала,
Што родных песень пералiвы
I зблiзку чую, i здаля.

Я – беларус, i хоць сягоння
Яшчэ малы, але скажу:
Я родам з племя непакорных
I прад бядой не задрыжу!..

 Ніл ГІЛЕВІЧ

Ніл ГІЛЕВІЧ (нарадзіўся 30.09.1931) – народны паэт Беларусі, лаўрэат Дзяржаўнай прэміі імя Янкі Купалы. Аўтар кніг для дзяцей “Сіні домік, сіні дом”, “Дождж-грыбасей”, “Добры чалавек” і іншых.