Горы ўзніклі мільёны гадоў таму. Шмат якія сілы ўдзельнічаюць у іх утварэнні. Адны ўзнікаюць на вялікіх глыбінях і прыўздымаюць асобныя ўчасткі глебы. Другія ўтвараюцца на паверхні. Вада, вецер, мароз, сонца раз’ядноўваюць прыўзнятыя ўчасткі на хрыбты і горныя ланцугі.

Ёсць малыя і вялікія горы. Найбольш высокія – Гімалаі, Памір, Анды. Яны ўздымаюць свае апранутыя снегам і льдом вяршыні высока за аблокі. А такія горы, як Уральскія, – гэта невысокія хрыбты з роўнымі схіламі, парослымі невялікім лесам.

Самая высокая вяршыня ў свеце – Джамалунгма, 8848 метраў над узроўнем мора. Вопытныя альпіністы спрабавалі свае сілы ў барацьбе з гордым веліканам, але маразы і завірухі доўгі час не давалі ім прайсці да вяршыні. Толькі ў 1953 годзе Джамалунгма была скорана.

Самая вялікая гара Беларусі – Дзряжынская. Яе вышыня – 345 метраў.

Тым, хто адпраўляецца ў горы, трэба памятаць, што гэта небяспечна, неабходна спецыяльная падрыхтоўка.

ТЭРЫТОРЫЯ ЭРУДЫТАЎ

Збярыце ў дарогу альпініста. Для гэтага выберыце патрэбныя рэчы для экіпіроўкі:

Каска, дзюраль, аэробус, шыбуд, фіксатар, лесвіца, тыбель, вяроўка, шкларэз.