Іван ШУЦЬКО

Развітанне з летам

Жураўлі па-над лясочкам
Ляцяць роўненькім шнурочкам;
Мама ж кажа мне, што гэта
Адлятае ад нас лета.

Аляксей ПЫСІН

Яблык

Яблык – румяны,
Чысты, крамяны;
У расе купаўся,
Сонцам выціраўся.

Уладзіслава ЛУЦЭВІЧ

Дзіцячы сад

Раз зайшлі ў дзіцячы сад
Восем жоўтых куранят,
Прывяла іх з вулачкі
Шэранькая курачка.

Трапіла ты, курачка,
Не на тую вулачку:
Тут дзіцячы сад
Не для куранят.