З дзіцячага гумару

***
– Адкуль вядома, што зямля круглая?
– А паглядзі на глобус!

***
У заапарку
– Тата, купі гэтага тыгра!
– А чым жа ты будзеш яго карміць?
– А ты хіба не чытаў надпісу, што гэтага тыгра карміць не трэба?

***
– Што ты там робіш, унучка, у градах?
– А нічога, дастаю насенне, якое ты закапала ў зямлю.

***

– Сынок, праспрагай дзеяслоў “хадзіць”.
– Хаджу… Ходзіш… Ходзіць…
– Хутчэй, хутчэй, – падганяе мама.
– Бяжым, бежыце, бягуць, – заканчвае Міколка.

***
– Што бліжэй да нас: Аўстралія ці Месяц?
– Месяц.
– Чаму так думаеш?
– Таму, – адказвае Міколка, – што Месяц бачым, а Аўстралію – не!

***
– Навошта ты прынёс у клетцы гэтую варону?
– А хачу пераканацца, ці праўду кажа Сяргейка, што вароны жывуць трыста гадоў.

Анатоль КЛЫШКА