Заспявалі птушкі хорам.
Травы ў бляску серабра.
Спелай чырванню над борам
Разгарэлася зара.

Колькі радасных мелодый
Празвініць каля крыніц.
Чэрвень – месяц насалоды –
Пахне мёдам ад суніц…

Ціха плешчуцца крыніцы.
Хоры дзіўныя ў бары.
І гараць, гараць суніцы,
Быццам кропелькі зары.

Віктар ГАРДЗЕЙ 

Віктар ГАРДЗЕЙ (нарадзіўся 19.08.1946) – беларускі пісьменнік. Аўтар кніжак для дзяцей “Чырвоны грабеньчык”, “На арэхавай палянцы”, “Коцікі на вярбе”, “Сарочына цырульня” і іншых.