ВЁСКА ПРЫГАЖЭЕ

Наша вёска прыгажэе
І расце, як гарадок.
Рэчка ўлетку весялее,
Кліча нас на беражок.

Рыта ПАЛІЎКА
Іванаўскі раён, в. Рудск

НА ЗАНЯТКАХ

Першая настаўніца мая
Адчыніла дзверы ў свет навукі.
І дзіўлюся на занятках я,
Колькі цуду ў кожным слове, гуку.

ЖАЛУДОК

Жалудок на дол упаў.
Каб лягчэй было дубку,
Шапачку з сабой не ўзяў,
А пакінуў на сучку.

ХАЧУ БЛАКНОТ

Я хадзіла ў краму, мама,
Ты дала мне грошай мала.
Я хачу купіць блакнот
Для вясёлых песень, нот.

Насця УСЦІМЕНКА
г. Магілёў, гімназія № 3

Чаму пустая міска?

– Мяў, мяў, мяў, –
Сярдуе кіска. –
А чаму пустая міска?
Я вярнулася з двара,
Есці мне даўно пара.

Алена ДУБОВІК
Уздзенскі раён, Зенькавіцкая СШ