“На Беларусі Бог жыве,” –
Так кажа мой просты народ.
Тую праўду сцвярджае раса ў траве
І адвечны зор карагод.
Тую праўду сцвярджае
Упартасць хваль,
І продкаў запавет,
І нашых дум сусвет…
І пра тое кожны пяе салавей
Росным кветкам у роднай траве:
“На Беларусі Бог жыве,” –
І няхай давеку жыве.

 Уладзімір КАРАТКЕВІЧ 

Уладзімір КАРАТКЕВІЧ (26.11.1930 – 25.07.1984) – беларускі пісьменнік, лаўрэат Дзяржаўнай прэміі Беларусі. Для дзяцей напісаў кнігу “Казкі”, нарыс “Белавежская пушча”.