Наша чытачка Марына з горада Орша адказала правільна на ўсе пытанні галоўнага рэдактара «Вясёлкі». Ёй у падарунак Уладзімір Сцяпанавіч падпісаў кніжку «Сакрэты колераў вясёлкі», якую Марына хутка атрымае па пошце. Віншуем пераможцу!

Правільныя адказы на пытанні:

1. Без чаго нішто не існуе ва ўсім свеце? — Без «О»
2. У якой вадзе не водзіцца рыба? — У намаляванай
3. Якая рэчка працякае ў роце? — Дзісна
4. Калі ў людзей бывае столькі ног, колькі дзён у годзе? — 2 студзеня
5. Калі чорнай кошцы лёгка прайсці ў хату? — Калі дзверы адчынены
6. Чаму сабака брэша? — Таму што мяўкаць не ўмее
7. Што будзе пасля сямі гадоў? — Пойдзе восьмы
8. Чаго не стамляешся ўсё жыццё рабіць? — Дыхаць
9. Чым заканчваецца дзень? — Мяккім знакам
10. Што робіць вартаўнік, калі ў яго на шапцы сядзіць верабей? — Спіць