ШКОДНІК-КРОТ

Хто прыйшоў у агарод
І зрабіў пераварот?
Дзе шумелі бурачкі,
Выраслі зямлі стажкі.
Мама кажа:
– Гэта крот.
Ен убіўся ў агарод.
Ад яго не будзе рады,
Ён усе парые грады.
Каб расліны ўратаваць,
Будзем з ім мы ваяваць.
Стала мне крата шкада,
Ды і з ім адна бяда.
А  на досвітку я ўгледзеў,
Што за плотам у суседзяў,
На сцяжынцы да ракі
Раптам  выраслі стажкі.
Рады маме я сказаць:
– Мы не будзем ваяваць.

БАГАТЫ ДОЖДЖ

Дождж грыбны да нас ідзе,
За руку грыбы вядзе.
Важныя  баравікі,
Рыжыкі і маслякі,
Сыраежкі, мухаморы…
Ці пазнаеш, дзе каторы?

Загадкі

Што за доўгая вяроўка,
Кулачкі на двух канцах.
Хто скакаць не ўмее лоўка,
Б’е балюча па нагах?

Вось дык  дзіва, паглядзіце:
Воблачка заснула  ў жыце!
Вецер з-за ракі,
Разбудзіў ён …