У Рыгоркі – майго брата

Шчасцем ззяе твар:
Падарыў учора тата
Новенькі буквар.

Ён у вокладцы прыгожай,
Ёсць малюнкі ў ім.
Вось нясе дзяўчынка кошык
Па бары густым.

Ды згубілася сцяжынка
У лясной траве,
Заблудзілася дзяўчынка
І сяброў заве.

Адгарні яшчэ старонку –
Чаго тут няма!
Хлапчукі будуюць горку,
Бо прышла зіма.

А далей – вясна, і з поўдня
Зноў ляцяць шпакі.
І майструюць ім шпакоўні
Вучні-хлапчукі.

Вось і Крэмль, дзе мудры
Ленін
Працаваў і жыў.
Зоры шчасця пакаленням
Ленін запаліў.

Над Крамлём палаюць зоркі,
Што нам Ленін даў.
Ён вучыцца на пяцёркі
Дзецям завяшчаў.

Міхась Гарнак