Дзе вербы плакучай галінкі
Адбіў серабрысты паток,
На дробным лісточку расінку
Аднойчы сустрэў светлячок.

Ды толькі адну мо хвілінку
Знаёмства цягнулася іх,
Бо сонца забрала расінку
З прастораў і траў лугавых.

А ён без яе ўжо сумуе,
Шукае і ноччу, і днём
І вечна па свеце вандруе
З сваім залатым аганьком.

 Максім Танк

Максім Танк (17.09.1912 – 7.08.1995) –       народны паэт Беларусі. Сапраўднае імя – Яўген Іванавіч Скурко. Для дзяцей напісаў кнігі “Галінка і верабей”, “Кніжка пра мядзведзя”, “Ехаў казачнік Бай”, “Лемантар” і іншыя.