Усе ўяляюць, што малпы жывуць толькі ў цёплых краях. Але ж ёсць і “снежныя” малпы. Іх радзіма – Японія. А снежнымі яны завуцца таму, што жывуць у заснежаных гарах. “Снежныя” малпы – сапраўдныя вынаходнікі, бо прыдумалі, як сагрэцца сярод ільдоў і снягоў. Яны проста  прымаюць гарачыя ванны! Справа ў тым, што з-пад зямлі ў гарыстай мясцовасці б’юць  гарачыя крыніцы, утвараюць азярынкі з цёплай вадой. Грэючыся ў іх, малпы  могуць заставацца ў гарах усю зіму.

А вясной нараджаюцца новыя малпачкі. Яны прыходзяць у свет з адкрытымі цікаўнымі вочкамі, пухнаценькія, у новым густым футры. Малпяня нават можа адразу ж хапацца ўчэпістымі лапкамі за матчыну поўсць з першых хвілін жыцця. Малы вісіць на маці і такім чынам падарожнічае з ёю паўсюль.

Фантаст-Усёвед

 ТЭРЫТОРЫЯ ЭРУДЫТАЎ

Выберыце краіны, якія з’яўляюцца радзімай малпаў:

Бразілія
Аўстралія
Эстонія
Беларусь
Украіна
Францыя
Італія