Ах, якое сонейка
Зранку над зямлёй,
Над дваром, над лаўкай
І над галавой.

Пад сонцам шчокі лялек
Румяняцца ярчэй.
На сонцы ззяе мячык
І ловіцца ямчэй.

І сонейка нібыта
Вялізны цёплы мяч,
Хаця яго не зловіш,
Пусціўшыся наўскач.

 Еўдакія ЛОСЬ

Еўдакія ЛОСЬ (1.3.1929 – 3.7.1977) – беларуская пісьменніца.  У 1975–1977 гадах была галоўным рэдактарам часопіса “Вясёлка”. Для дзяцей напісала кнігі “Абутая елачка”, “Казка пра Ласку”, “Вяселікі”, “Зайчык-выхваляйчык”, “Дванаццаць загадак”, “Смачныя літары”.