Музыка Ніны САКАЛОВАЙ
Словы Міхася ПАЗНЯКОВА

Дамоў прыляцела
Здалёку яна,
Калі расквітнела
Садамі вясна.

Дзівосная птаха
Сабе ад відна
Гняздзечка пад дахам
Будуе штодня.

Шчабеча прыветна,
Так рада вясне.
З даверам аб гэтым
Расказвае мне.

І сонечным святам
Напоўнены я,
Сяброўцы крылатай
Удзячны ўдвая.

Шчыруй, дарагая,
Заўжды прылятай,
Хай песняй вітае
Мяне родны край.