Перш  чым  пазнаёмiць  дзяцей  з  часопiсам  з  мiлагучнай  назвай «Вясёлка», праводзiцца конкурс акцёрскага майстэрства сярод вучняў класа. Дзецi выразна чытаюць на памяць вершы, у якiх  iдзе размова пра вясёлку –   цудоўную прыродную  з’яву. Гэта могуць быць вершы С. Грахоўскага «Вясёлка», А. Кавалюк «Дзе схавалася вясёлка?» i iнш.

Васiль Вiтка «Вясёлка на вадапоi»

Зiрнiце, вунь дзiва якое –

Вясёлка на вадапоi!

Адразу ж пасля навальнiцы

Прыпала дадолу нiцам

Па абодва бакi –

Адным да крынiцы,

Другiм да ракi.

Мусiць, добра сасмагла-такi

I знясiлела, знемагла.

Вельмі ж доўга піла

І піла.

Напілася, устала,

Зноў да самага неба дастала

І ў сем столак,

У сем новых вясёлак

Ярка-ярка

Над намі зайграла.

Пятрусь Броўка «Вясёлка»

Вясёлка ўстала над палямi,

Яе ты бачыш, можа быць?..

I мне здаецца,

Што мiж намi –

Вясёлка гэтая гарыць.

Адкуль краса яе бярэцца, –

З азёраў, рэчак баравых?

–  Не, i не з мора!

З нашых сэрцаў,

I акiян мяльчэй ад iх!

Потым  настаўнiк  знаёмiць  дзяцей  з  часопiсам  «Вясёлка», праводзiць гутарку пра гiсторыю часопiса  i прапануе паслухаць яшчэ некалькi вершаў, ужо пра часопiс «Вясёлка».

Уладзiмiр Мазго «Ярка фарбамi гары!»

У «Вясёлкi» юбiлей –

Веснавое свята,

Ад якога весялей

Нам з малодшым братам.

Угару ўздымаюць нас

Ад садка да школкi,

Як прыступкi на Парнас,

Нумары «Вясёлкi».

Знойдзем разам добры верш,

Абмяркуем допiс.

З намi марыш i жывеш,

Сябар наш –  Часопiс.

Для шчаслівай дзетвары,

Як зімою ёлка,

Ярка фарбамі гары

І цяпло сваё дары,

Любая «Вясёлка»!

Пры знаёмстве з часопiсам i наступнай працы з iм абавязкова трэба разгледзець  вокладку часопiса, пазнаёмiцца  з рэдакцыйнай  калегiяй, рубрыкамi часопiса. Настаўнiк павiнен папярэдне скласцi план такой работы  ў  залежнасцi  ад  узросту  дзяцей  i  ўзроўню  падрыхтаванасцi класа. I, вельмi важна, з якiм настроем сам настаўнiк будзе расказваць пра  часопiс.  Дзецi  абавязкова  заўважаць  паважныя  адносiны  да мовы,  любоў  да  роднага  краю  цi  абыякавасць,  з  якой  пра  ўсё  гэта расказваецца.