Паважаная “Вясёлка”!

Віншуем цябе з 55-годдзем! Жадаем заставацца такой жа цікавай, вясёлай і прыгожай, каб у цябе было як мага больш чытачоў, і каб ты яшчэ доўга радавала дзяцей.

“Вясёлка”

Часопіс “Вясёлка” вясёлы і займальны,

А таксама пазнавальны.

Гучаць у ім родныя словы

На нашай беларускай  мове.

Ёсць у ім песні, вершы, загадкі,

Казкі, аповесці і маляванкі.

У 55- гадовы юбілей

Віншуем дарослых і дзяцей!

Усіх тых, хто часопіс складае,

І таксама, хто яго чытае.

Гэта значыць, і нас саміх —

Вось дык свята — для ўсіх!

Панкавец Святлана і

вучні 3а класа сярэдняй школы №10 г. Барысава.

Дасылаем некаторыя творы з нашай кнігі “Промні ліхтарыка”.

Бусел

Асвяціла сонца бор,

Заспяваў птушыны хор:

Вераб’і, шпакі, сініцы,

Салаўі і жаўрукі.

Толькі бусел не спявае,

Ён ляціць над Беларуссю —

Сімвал нашае зямлі.

Комар Сцяпан.

Загадка

Расце яна ў агародзе,

Паспявае ў чэрвені.

А паспее як, тады

Усе ядуць з задавальненнем

Яе салодкія плады.

(Клубніцы)

Карачун Іван.

Кніга

Кніга — чалавеку сябар,

Кніга нам усё падкажа.

Калі ласка: вершы, казкі,

Ці гісторый карагод,

Дзе гаворыцца аб людзях,

Пра прыроду, шмат прыгод!

Юрчанка Паліна.