Спеўнік “Вясёлкі”

Каляда

Музыка Таццяны Молчан

Словы Уладзіміра Мазго

Звоняць бомы, едуць сані

Па святочнай белізне.

Мы не знаем нават самі:

Ці наяве, ці у сне?..

Глуха вые завіруха,

Замятаючы сляды,

Засцілае белым пухам

І палеткі, і сады.

Прыпеў:

Каляда, каляда! –

Весяліцца грамада.

Падарункі нясе

Калядоўшчыцы-казе.

Каляда, каляда! –

Нават холад не бяда.

Заспяваюць палазы

Уцякаюць маразы.

Хай ляцяць, як птушкі, коні

За бялюткі далягляд,

І паўсюль світаюць гоні,

Асвятляючы пагляд.

І няхай зіма лютуе

Завірухай да нябёс –

Каляда накалядуе

Нам усім шчаслівы лёс.

Прыпеў.