Паводле дзіцячай заклічкі

Кароўка-багоўка, ты прыляцела?
Ты нешта паведаміць мне хацела?
Ідуць і ідуць дажджы.
Што заўтра будзе, скажы?
Дождж ці пагода?
Пень ці калода?
Будзе нагода – ляці,
не буддзе – сядзі.

Кароўка-багоўка, ты мне спрыяеш?
Ты мне сваю тайну давяраеш?
Хочаш мяне перасцерагчы…
Скончацца гэтыя дажджы?
Сонейка б болей
ды болей любові!
Будзе любоў – ляці,
не будзе – сядзі.

Анатоль Вярцінскі