КОЦІК І МЫШКІ

Словы Анатоля ЗЭКАВА

Коцік шэры у кватэры

Са сцяны сарваў шпалеры.

То ж здалося штосьці Коцю,

Што мышэй за сценкай процьма.

Прыпеў: Мяў-мяў-мяў,

Ой, сарваў,

Мяў-мяў-мяў,

Ой, сарваў.

Ноч вачэй не зводзіў Коця,

Ад сцяны не адыходзіў,

У засадзе, у зацішку,

Ўсё чакаў у госці мышку.

Прыпеў: Мяў-мяў-мяў,

Ой, чакаў,

Мяў-мяў-мяў,

Ўсё чакаў.

Мышкі тое адчувалі

І вачэй не паказалі.

Пазяхаў кот у самоце —

Галадаў без мышак Коця.

Прыпеў: Мяў-мяў-мяў,

Пазяхаў,

Мяў-мяў-мяў,

Галадаў.