Якое бывае неба?

Аднойчы я падумала: якога колеру неба?

Яно бывае рознае. Калі ў мяне цудоўны настрой – яно вясёлкавае, калі ніякі – бледнае, а бывае і зусім шэрае.

Але ж колер неба не залежыць ад мяне. Траўка таксама падаецца зелянейшай, калі сонейка свеціць. А без сонейка яна не такая прыгожая, нават цьмяная. Свеціць сонейка – і неба блакітнае, знікае – і яно блякне.

У душы кожнага з нас таксама павінна свяціць сонейка. Тады прыемна глядзець нават на шэрае неба: яно прывабнае незалежна ад колеру.

Вікторыя Сальва.

Мінскі раён,

в. Ждановічы.