Вася Вясёлкін з Васілінкай

З сябрамі задумалі паехаць

на экскурсію. Паўстала пытанне:

у які дзень? Нехта сказаў:

— Давайце паедзем у … .

 

1.

Калі да пэўнай літары

Дапісаць яшчэ літару —

Атрымаецца канчатак

Многіх слоў.

 

Калі да дзвюх літар

Дапісаць трэцюю —

Атрымаецца тэрмін

Гульні ў футбол.

 

Калі да трох літар

Дапісаць чацвёртую —

Атрымаецца скарочаная

Назва аўтамабіля.

 

Калі да чатырох літар

Дапісаць яшчэ тры,

Якія з’яўляюцца назвай

Жывёліны, што жыве ў вадаёмах

З чыстай вадой, —

Атрымаецца назва дня тыдня.

Васілінка прапанавала прыйсці ў … .

 

2.

Калі да пэўнай літары

Дапісаць яшчэ адну літару —

Атрымаецца назва

Меры зямлі.

 

Калі да дзвюх літар

Дапісаць трэцюю —

Атрымаецца едкі пах

Ад згарання чаго-небудзь.

 

Калі да трох літар

Дапісаць чацвёртую —

Атрымаецца

Высокае ўзвышша.

 

Калі да чатырох літар

Дапісаць пятую —

Атрымаецца схова,

Дзе стаяць аўтамашыны.

Там іх будзе чакаць … .

 

3.

Калі да пэўнай літары

Дапісаць яшчэ літару —

Атрымаецца назва

Грэчаскай літары.

 

Калі да дзвюх літар

Дапісаць трэцюю —

Атрымаецца назва

Самага верха гары.

 

Калі да трох літар

Дапісаць чацвёртую —

Атрымаецца назва

Дзіды па-руску.

 

Калі да чатырох літар

Дапісаць пятую —

Атрымаецца назва

Класа аўтамашын.

 

4.

Калі да пэўнай літары

Дапісаць яшчэ літару —

Атрымаецца назва самай

Вялікай ракі ў Італіі.

 

Калі да дзвюх літар

Дапісаць трэцюю —

Атрымаецца слова, якое

ў дакументах азначае

Мужчынскі ці жаночы род.

 

Калі да трох літар

Дапісаць чацвёртую —

Атрымаецца назва гульні

З мячом у басейне.

 

Калі да чатырох літар

Дапісаць яшчэ дзве,

Якія з’яўляюцца апошнімі ў

многіх словах, —

Атрымаецца назва

Нашага старажытнага горада,

Дзе захавалася шмат

Гістарычных і культурных

Каштоўнасцей і якому ў наступным годзе

Споўніцца 1160 гадоў.