У пісьменніцы Ніны Галіноўскай – юбілей! Віншуем!

Навагодняе

Сягоння ёлка ў цэнтры.
Увага ёй, лясной,
І балі, і канцэрты,
І чэсць, як маладой.
Вянкамі карагоды
Плывуць вакол яе.
– Віншую з Новым годам! –
Гадзіннік гучна б’е.
Надзеі, пажаданні
У кожнага свае.
І песні, віншаванні…
Год Новы раздае:
– Бадзёрасць? – калі ласка,
Усмешкі – дам для ўсіх…
Навокал маскі, маскі.
І не пазнаць сваіх.
Здаецца, грэе ёлка
Агністай цеплынёй,
Бы летняя вясёлка
Успыхнула на ёй.