Пятрусь Броўка
Вясёлку пабачыць
Вялікае шчасце.
І як жа шчаслівы я тым –
Вясёлка над полем,
Вясёлка – у хаце,
Вясёлка – у сэрцы маім.

Кандрат Крапіва
Прыгладзіў сатырык калючкі-іголкі,
Каб гутарку мець з чытачамі “Вясёлкі”.
Здароўя вам зычу і шчасця багата.
Усім прывітанне ад дзеда Кандрата.

Васіль Вітка
Мінулася столькі
Падзей і прыгод.
Я кожнай “Вясёлкі”
Вітаю прылёт.
Чакаю жаданую госцю штораз,
Віншую са святам, сябры мае, вас.
Няхай і стары, і сівы ужо дзед,
Але з маладосці я шлю вам прывет.

Паўлюк Прануза
Ці задажджыць, ці будзе золка
У нашым маладым жыцці,
Усімі фарбамі, “Вясёлка”,
Чаруй нас, захапляй, свяці.

Эдзі Агняцвет
Калі Вы будзеце расці
Руплівыя, як пчолкі, –
Свяціць Вам будуць у жыцці
Ўсе колеры Вясёлкі!

Малюнак Сяргея ВОЛКАВА