Вазьмі ладдзю і пастаў яе на першапачатковую пазіцыю.

Ладдзя рухаецца толькі па гарызанталях і вертыкалях. За адзін ход ладдзя можа перамясціцца на любое поле сваёй гарызанталі ці вертыкалі.

Ладдзя не можа стаць на адно поле з фігурай свайго колеру, якая апынецца на яе шляху.

Калі на шляху ладдзі стане фігура саперніка, то ладдзя можа ўзяць яе.

Гэта выконваецца так: фігура саперніка здымаецца з дошкі і больш не прымае ўдзелу ў партыі. Твая ладдзя займае поле збітай фігуры.