Кожная фігура мае сваё месца. У шахматах такая пазіцыя называецца пачатковай.

Ладдзі знаходзяцца па вуглах дошкі, побач з імі стаяць коні. Каля коней – сланы.

Запомні: “Ферзь выбірае свой колер. Белы ферзь стаіць на белым полі, чорны – на чорным”.

Побач з ферзем – кароль, галоўная фігура ў шахматах.

Адзінкай вымярэння ў щахматах лічаць пешку. Конь і слон каштуюць па тры пешкі кожны, ладдзя – пяць, ферзь – дзевяць.

Каштоўнасць караля ў пешках не вымяраецца.  Яго нельга разменьваць на фігуры ці пешкі.

Мэта шахматнай партыі – паставіць мат, захапіць у палон  караля саперніка.