Ты гатовы адправіцца ў падарожжа ў казачную Шахматную краіну? Пазнаёміцца з шахматнымі фігурамі, даведацца, як яны змагаюцца на шахматнай дошцы? Думаю, ужо чакаеш гэтага. Тады у дарогу!

Што такое шахматы? Калі яны з’явіліся? 

Шахматы – настольная гульня з клетачнай дошкай для двух гульцоў.

Прыдумалі шахматы ў Індыі ў канцы V ці пачатку VI стагоддзя. Існуюць яны прыкладна паўтары тысячы гадоў,

Што патрэбна, каб гуляць у шахматы?

У першую чаргу патрэбны шахматныя фігуры, шахматная дошка, два партнёры. Яны садзяцца за дошку тварам адзін да аднаго, а дошка размяшчаецца так, каб справа ад кожнага было белае (светлае) вуглавое поле.

Дошка разлінавана на 64 аднолькавыя квадратныя клеткі, кожная называецца поле. Светлыя клеткі – гэта белыя палі, цёмныя – чорныя.

Палі складваюцца ў дарожкі .

Гарызанталь – чорна-белая дарожка з васьмі палёў, якая ідзе справа налева ці злева направа. На дошцы 8 гарызанталяў. Палі ў кожнай чаргуюцца: белае – чорнае – белае – чорнае (ці наадварот).

Вертыкаль – чорна-белая дарожка з васьмі палёў, якая ідзе ад аднаго праціўніка да другога (знізу ўверх ці зверху ўніз). Вертыкаляў, як і гарызанталяў, 8. Палі ў кожнай з іх таксама чаргуюцца.

Акрамя прамых дарожак на шахматнай дошцы ёсць і іншыя.

Дыяганаль – прамы ланцужок палёў аднолькавага колеру, якія датыкаюцца адзін да аднаго вугалкамі. Усяго на шахматнай дошцы 26 дыяганаляў: 13 белых і 13 чорных. У дыяганалях – ад двух да васьмі палёў.

Вялікая дыяганаль – дыяганаль з васьмі палёў белага ці чорнага колеру.

Шахматная дошка даследавана. Час знаёміцца з галоўнымі героямі – шахматнымі фігурамі. 

На шахматнай дошцы змагаюцца белыя (фігуры светлага колеру) і чорныя (фігуры цёмнага колеру).

Падрыхтавала Наталля Папова