Мінскае метро —

горад пад горадам.

Дваццаць дзевяць станцый —

як мікрараёны, як музеі,

як сама сталіца ў мініяцюры.

На лініях Метрапалітэна

у назвах прыпынкаў

прадстаўлены пэўныя раёны —

Фрунзенскі, Кастрычніцкі, Першамайскі,

Маскоўскі, Партызанскі…

Вялічныя, знакавыя помнікі сталіцы

вызначаны ў станцыях

“Плошча Перамогі”, “Плошча Якуба Коласа”,

“Купалаўская”, “Пушкінская”…

У назвах станцый метро — жыццё Беларусі,

яе мінулае, ява, будучае.

“Малінаўка”, “Пятроўшчына”, “Міхалова”

пайшлі ад прыгарадных вёсак Мінска.

“Аўтазаводская”, “Трактарны завод”, “Акадэмія навук” —

ад флагманаў вытворчасці, навукі,

якімі ганарыцца наша краіна.

А калі наведаеце музей Метрапалітэна

на станцыі “Магілёўская”,

то ўбачыце столькі цудаў

якія вам не з’яўляліся нават у казачных снах.

Пры ўзвядзенні станцыі “Кастрычніцкая”

будаўнікі знайшлі біўні маманта.

Калі будавалі “Барысаўскі тракт” —

натыкнуліся на косткі дагістарычнага слана.

На “Купалаўскай” метрабудаўцам

трапіліся залатыя манеты мінулых вякоў.

На “Нямізе” — адкапалі астанкі старажытнага замчышча.

А выйдзеце на станцыі “Маладзёжная”,

то праз пяцьдзесят метраў трапіце

ў будынак, дзе робяць

ваш любімы часопіс “Вясёлку”.

Запрашаем ў заманлівую вандроўку

па станцыях Мінскага метро!

УЛАДЗІМІР ЛІПСКІ