Чачоткі

Кажуць, што чачотка
Вераб’ёва цётка.

Тут згадзіцца мы павінны:
Вераб’іны сілуэт
І з атрада вераб’іных, –
Іншы трошачкі партрэт.

Як аматары зярнятак –
З вераб’ём амаль блізняты.
Даспадобы тым і гэтым
Той ласунак цёплым летам.
А халоднаю зімой
Да зярнят ляцяць гурмой.

Чыж

“Чыжык-пыжык, дзе ты быў?..” –
Песні гэтай не любіў,
А лічыў дражнілкай…

Хоць жыве з кармілкі,
Хоць жыруе ў клетцы,
Але дух ірвецца
Ў лес, у хатку ў голлі… –

Дайце, дайце волю!

Фота Сяргея Зуёнка