Елка ў колеры адным,
Ён вядомы нам усім:
І зімой яна і летам
У зялёнае адзета.
А калі сняжок ляціць –
Ў шубцы беленькай стаіць.

Заяц вушы навастрыў,
Скок – і след яго прастыў.
Ведае ўсе дарогі,
І яго ратуюць ногі.
Спрытна між кустоў мільгае,
Без аглядкі ўцякае.

Мыш пад печкаю сядзіць,
Насцярожана глядзіць.
Гаспадыня за парог,
Мыш на стол адразу – скок!
Кот Мурлыка ў хаце быў,
Умомант злодзея злавіў.

Хамячок, набіўшы рот,
Запасаецца на год.
Ўсё ў кладовачку збірае,
Там прыпасы зберагае,
Каб яму не галадаць
І радню ўсю частаваць.

Таццяна Чэкед

Малюнак Сяргея Волкава