Карагод месяцаў

Месяц дванаццаты, радасны снежань!
Зраніцы мама нас кліча паснедаць,
Глядзь у акно – а там белае ўсё:
Елкі, дарогі і татаў аўто.
Месяц любімы наш, месяц вясёлы:
Года канец і канікулы ў школе.
Будзем з табой рыхтавацца да святаў,
Ёлку ўпрыгожваць з мамай і татам,
З братам, сястрычкай, бабуляй, дзядулем…
Будзе гусці дружны дом, нібы вулей!
Ясная справа: усе вельмі рады
Новаму году, Раству і Калядам!

Віка Трэнас

Прыкметы і прымаўкі

Беражы нос у вялікі мароз.
Гром зімою – да моцнага ветру.
Зіма ўцякае цёмнымі начамі.