Не тая рука

Настаўніца сказала Мішу,

Малюнак Аксаны Аракчэевай

Маўляў, не той рукой ты пішаш.
Хлапец здзівіўся: “Як не той?
Заўсёды я пішу сваёй”.
“Але не правай, як усе,” —
Настаўніца дадала ўслед.
“Што зробіш? — вучань у адказ.
— Лепш піша левая рука”.

Мурашнік

Збудавалі ля шашы
Сабе хатку мурашы.
Ім, малым, цікава ведаць
Скуль, куды машыны йдуць.
А яшчэ цікава ім
Палічыць, колькі машын
Па дарозе прабягае,
Калі ноч адпачывае.