Карагод месяцаў

Месяц адзінаццаты замыкае восень,
Залатыя ключыкі перадасць зіме.
Цеплыні ў сонца больш ужо не просім,
Толькі болей лісця — і табе, і мне.
Жоўтага, ружовага,
Рознакаляровага.
Пад нагамі шамаціць —
нельга проста так прайсці!
Для гербарыяў, букетаў,
Аплікацый і макетаў…
Калі мама дапаможа,
Гэта ўсё зрабіць мы зможам!

Віка Трэнас

Прыкметы і прымаўкі

Лістапад — вароты зімы.

Імклівы лістапад — суровая зіма наперадзе.

Вішня не апала — зіма не настала, а як вішня ападзе, так і зіма прыйдзе.